“GIDROINGEO instituti” DM: Xorijiy loyiha doirasida dala tadqiqot ishlari o‘tkazildi
2025-03-14 17:10:00 / Yangiliklar
Tadqiqot ishlarida Tog‘-kon sanoati va geologiya vazirligi, “Gidrogeologiya va muhandislik geologiyasi instituti” DM, Koreya mineral resurslar bo‘yicha konlarni qayta tiklash korporatsiyasi (KOMIR), Koreya geologiya va mineral resurslar instituti (KIGAM) hamda SOAM korporatsiyasining vakillari ishtirok etdilar.
Angren ko‘mir koni va 4R-6 “Toshkent-Chimyon” avtomobil yo‘lining kirish qismlarida olib borilgan dala tadqiqot ishlari davomida mutaxassislar geologik sharoitlarni tahlil qildilar, xavflarni baholadilar va qiyaliklarning barqarorligiga ta’sir etuvchi omillarni o‘rgandilar.
Tadqiqotlar yer qa’ridan foydalanish va geologik xavflar sohasida zamonaviy monitoring va boshqaruv tizimini ishlab chiqishga qaratilgan loyihaning asosiy vazifalarini amalga oshirishda muhim ahamiyat kasb etadi. Olingan ma’lumotlar xavfli geologik jarayonlarning oldini olish va oqibatlarini kamaytirish usullarini takomillashtirish uchun qo‘llaniladi.