“NKMK” AJ “Sustainable Fitch”ning ESG-reytingini oldi
2025-02-06 15:35:00 / Yangiliklar
Kombinat ESG-reytingini ‘3’ darajasida (1 dan 5 gacha bo‘lgan shkalada, bunda 1 – past xavf-xatar darajasi, 5 – yuqori xavf-xatar darajasini anglatadi) va umumiy 51 ball (100 balldan) bilan oldi.
Agentlik tomonidan ekologik hodisalarning yo‘qligi, chiqindilarni boshqarish va suv iste’moli bo‘yicha ichki hujjatlarning mavjudligi hamda ish haqidagi gender tafovutining pastligi tufayli “NKMK” AJning ekologik va ijtimoiy ko‘rsatkichlari ‘3’ darajasida ijobiy baholandi.
Bundan tashqari, ekspertlar korporativ boshqaruvning rivojlanishi ‘2’ darajasida yuqori baholadi. Shuningdek, xalqaro standartlarga muvofiq moliyaviy hisobotlarning mavjudligi, faoliyatning muntazam ichki auditi o‘tkazilishi va xavf-xatarni boshqarish kabi kuchli tomonlar alohida ta’kidlandi.