Navoiy viloyatining Nurota, Konimex, Qiziltepa, Navbahor tumanlari va G‘ozg‘on shahrida tadbirkorlar bilan uchrashuvlar tashkillashtirildi
2024-11-11 17:25:00 / Yangiliklar
Tog‘-kon sanoati va geologiya vazirligi, Geologiya fanlar universiteti, Navoiy davlat konchilik va texnologiyalar universiteti, “Yer qa’ridan foydalanish markazi” DM, Tog‘-kon sanoati va geologiya sohasini nazorat qilish inspeksiyasi vakillarining Navoiy viloyatidagi xizmat safari doirasida Nurota, Konimex, Qiziltepa, Navbahor tumanlari hamda G‘ozg‘on shahrida tadbirkorlar bilan uchrashuvlar o‘tkazildi.
Uchrashuvlar va muloqotlar davomida yer qa’ri foydalanuvchilari, noruda xomashyo qazib olib, qurilish materiallari ishlab chiqarayotgan tadbirkorlar, hududlarda ruxsatnoma asosida yer qa’ridan foydalanayotgan korxonalar rahbarlarini qiziqtirgan masalalar yuzasidan taqdimotlar qilindi.
Tadbirlarda vazirlik va uning tizimosti korxonalarining rahbarlari tomonidan sohaga ilm-fan yututqlarini keng tatbiq etish takliflari berildi, tadbirkorlarning muammoli masalalarini tezkor hal qilish choralari ko‘rildi.