Xatirchi tumanida tadbirkorlar bilan muloqot tashkil qilindi
2024-11-08 17:45:00 / Yangiliklar
Tog‘-kon sanoati va geologiya vazirligi mutaxassislari, “Yer qa’ridan foydalanish markazi” DM, Geologiya fanlar universiteti, Navoiy davlat konchilik va texnologiyalar universiteti rahbariyati va olimlar ishtirokidagi davra suhbatida sohadagi o‘zgarishlar va islohotlar haqida taqdimot qilindi.
Tadbirkorlarga har tomonlama ko‘mak berish, yangi ish o‘rinlarini yaratish, ishlab chiqarish uchun xomashyo bazasini shakllantirish zarurligi, ilm-fan yutuqlari, muhandislik ishlanmalarini tatbiq qilish kabi muhim masalalar qayd etildi.
Shuningdek, tadbirda ruxsatnoma, tabiiy pardozbop va qurilish toshlarini qazib olish hamda oltin izlovchilar usulida qazib olishga oid masalalar yuzasidan ishtirokchilarni qiziqtirgan savollarga mutaxassislar tomonidan batafsil javob berildi, tadbirkorlarni qiynayotgan muammoli masalalarni joyida hal etish choralari ko‘rildi.
Vazirlik mas’ullari va mutaxassislarning Navoiy viloyatiga xizmat safari davom etmoqda.