OKMKning 75 yilligi munosabati bilan tantanali tadbir bo‘lib o‘tdi
2024-11-01 17:20:00 / Yangiliklar
Olmaliq shahridagi “Metallurg” madaniyat saroyida “Olmaliq kon-metallurgiya kombinati” aksiyadorlik jamiyati tashkil topganining 75 yilligi munosabati bilan bayram tadbiri oʻtkazildi (https://t.me/hidoyatov_bsh/567).
Oʻzbekiston Respublikasi Prezidenti Shavkat Mirziyoyevning kombinat jamoasiga yoʻllagan bayram tabrigini Bosh vazir Abdulla Aripov oʻqib eshittirdi.
2024-yil 31-oktabr kuni Davlatimiz rahbari yubiley sana munosabati bilan ishlab chiqarish ilgʻorlaridan bir guruhini mukofotlash boʻyicha tegishli Farmonni imzolagan edi.
Tadbirda davlatimizning ana shu yuksak mukofotlarini Prezidentimiz nomidan Bosh vazir oʻz egalariga topshirdi.
Mukofotlangan konchi va metallurglar yuksak eʼtibor uchun Davlatimiz rahbariga oʻz minnatdorligini izhor qilishdi.
Tadbir soʻngida konsert dasturi namoyish etildi.