“Tog‘-kon ishi, metallurgiya va metallsozlik – Mining Metals Uzbekistan 2024” ko‘rgazmasi hamda Xalqaro kon-metallurgiya forumi
2024-10-22 17:25:00 / Yangiliklar
Tadbir doirasida tashkil etilgan O‘zbekiston Xalqaro kon-metallurgiya forumini Tog‘-kon sanoati va geologiya vaziri o‘rinbosari U.Yusupov kirish so‘zi bilan ochib berdi, unda sohadagi dolzarb mavzular muhokama etilmoqda.
Forumning birinchi kunida “Xalqaro va mintaqaviy sanoat hamkorligining milliy tamoyillari”, “Kritik minerallar: innovatsion o‘tish manbalari”, “Tog‘-kon sanoati va geologiya sohasida ayollarning o‘rni” (Women in Mining), “Aqlli tog‘-kon texnikasi va tejamkor texnologiyalar” hamda “Raqamli yechimlar: to‘liq avtomatlashtirish va prediktiv texnologiyalar” kabi mavzularda panel sessiyalari o‘tkazildi.
O‘zbekiston Respublikasi Tog‘-kon sanoati va geologiya vazirligi, Investitsiyalar, sanoat va savdo vazirligi rasmiy ko‘magida “Iteca Exhibitions” xalqaro ko‘rgazmalar kompaniyasi, “ICAEurasia Group” tomonidan tashkil etilgan ushbu tadbirda dunyoning 19 mamlakatidan 170 dan ortiq kompaniya vakillari ishtirok etmoqda.