Vazirlik vakillari Iqlim oʻzgarishi taʼsirini hisobga olgan holda Markaziy Osiyoda suv resurslarini boshqarish mintaqaviy dasturi tadbirida ishtirok etishdi
2026-11-13 17:30:00 / Yangiliklar
Joriy yil 10 – 11-noyabr kunlari Toshkent shahrida Germaniya xalqaro hamkorlik jamiyati (GIZ) tomonidan Amudaryo va Sirdaryo havzalari suv muloqotining toʻrtinchi hamda Suv sifati boʻyicha birinchi yigʻilishlari yuzasidan Mintaqaviy ishchi guruhlarining uchrashuvi tashkil etildi.

Mazkur tadbirlar Iqlim oʻzgarishi taʼsirini hisobga olgan holda Markaziy Osiyoda suv resurslarini boshqarish” hamda “Yevropa Ittifoqi Markaziy Osiyo uchun (EU4sustainableCentralAsia)” Mintaqaviy dasturlari doirasida oʻtkazilgan boʻlib, unda Oʻzbekiston, Qozogʻiston, Qirgʻiziston, Tojikiston va Turkmanistondagi suv resurslariga oid vazirlik va idoralar, xalqaro tashkilotlar vakillari hamda xalqaro ekspertlar ishtirok etishdi.
Tadbirlarda suv resurslari, energetika, iqlim oʻzgarishiga moslashish va birgalikda harakat qilish uchun bir qator loyihalar yuzasidan taqdimotlar qilindi, fikrlar bildirildi hamda koʻplab tashabbuslar qayd etildi.


