Navoiy viloyatidagi Jaraquduq maydonida Yaponiya olimlari bilan birgalikda paleontologik tadqiqotlar olib borildi
2024-10-15 09:30:00 / Yangiliklar
Davlat Geologiya muzeyi hamda Yaponiyaning Sukuba universiteti bilan imzolangan memorandum doirasida joriy yilning 9 – 14-oktabr kunlari Navoiy viloyati Uchquduq tumanidagi Jaraquduq maydonida paleontologik dala ishlari amalga oshirildi.
Jarayonlarda “O‘zbek geologiya qidiruv” AJ Regional Markaziy geologiya tasvirlash ekspeditsiyasi xodimlari, Yaponiyaning Sukuba universiteti, Xokkaydo universiteti olimlari, Xyogo prefekturasi muzeyi kuratori ishtirok etishdi.
Qidiruv ishlari davomida topilgan namunalar kelishuv doirasida izlanishlar olib borilishi uchun ro‘yxatga olindi va bu kelgusida Davlart Geologiya muzeyi eksponatlarini boyitishga xizmat qiladi.