Cengiz Holding kompaniyasi vakillari bilan hamkorlik masalalari muhokama qilindi
2026-10-23 17:15:00 / Yangiliklar
2026-yil 23-oktabr kuni Togʻ-kon sanoati va geologiya vazirining birinchi oʻrinbosari Feruza Xamidova Turkiyaning Cengiz Holding kompaniyasi Oʻzbekistondagi mintaqaviy rahbari, “CENERGO” MChJ bosh direktori Janer Karabay bilan uchrashuv oʻtkazdi.
Uchrashuvda Oʻzbekistondagi istiqbolli maydonlarni geologik oʻrganish va oʻzlashtirish, shuningdek Surxondaryo va Toshkent viloyatlaridagi koʻmir konlarini qidirish va qazib olish masalalari muhokama qilindi.
Cengiz Holding vakillariga yangi tahrirdagi “Yer qa’ri to‘g‘risida”gi Qonun, unda tadbirkorlar va investorlarga qo‘yilgan talablar, imkoniyatlar, shuningdek yer qaʼri uchastkalaridan foydalanish huquqini shaffof mexanizmlar asosida elektron onlayn-auksion (E-auksion) orqali olish tartibi tushuntirildi.