Tog‘-kon sanoati va geologiya vazirligi vakillari Ummon Sultonligida qator ishbilarmonlik uchrashuvlarida ishtirok etdi
2026-10-05 15:35:00 / Yangiliklar
Xorijga xizmat safari davomida “Tasnim Group” kompaniyasi bilan muhim minerallar yo‘nalishida hamkorlikni rivojlantirish, O‘zbekistondagi istiqbolli maydonlarda geologiya-qidiruv ishlarini birgalikda amalga oshirish hamda yangi investitsiyaviy loyihalarni yo‘lga qo‘yish masalalari yuzasidan muzokaralar o‘tkazildi.
Shu bilan birga, Ummon Sultonligining Savdo-sanoat palatasi, Iqtisodiyot vazirligi, Savdo-sanoat va investitsiyalarni ilgari surish vazirligi, Maxsus iqtisodiy zonalar va erkin zonalar davlat boshqarmasi, “Nine Business Company LLC”, “Oman Trade Establishment”, “OQ”, “Al Zubair Corporation LLC” hamda “Asyad Group” vakillari bilan uchrashuvlar tashkil etildi.
Uchrashuvlarda tog‘-kon sanoati va geologiya sohasida o‘zaro manfaatli hamkorlikni rivojlantirish, soha yo‘nalishlariga ilg‘or texnologiyalar va investitsiyalarni jalb etish bo‘yicha amaliy hamkorlikni davom ettirish muhim ekanligi ta’kidlandi.