Togʻ-kon sanoati va geologiya vazirligi hamda Jahon banki vakillari oʻrtasidagi uchrashuv haqida
2026-09-29 12:05:00 / Yangiliklar
Joriy yilning 28-sentabr kuni Oʻzbekiston Respublikasi Togʻ-kon sanoati va geologiya vazirining birinchi oʻrinbosari F.Xamidova va vazirlik mutasaddilarining Jahon banki delegatsiyasi vakillari bilan uchrashuvi o‘tkazildi.
Uchrashuvda togʻ-kon sanoati va gelogiya sohasini barqaror rivojlantirish, xususan davlat siyosatini takomillashtirish, xalqaro ilgʻor standartlarni joriy qilish hamda qiymat zanjirini rivojlantirish yoʻnalishlaridagi ikki tomonlama hamkorlik masalalari muhokama qilindi.
Shuningdek, tomonlar Women in Mining Uzbekistan milliy platformasini rivojlantirish, sohada xotin-qizlarning kasbiy va liderlik salohiyatini oshirish hamda ularning texnik va rahbarlik lavozimlaridagi ishtirokini kengaytirishga qaratilgan loyiha yuzasidan fikr almashdilar.