Navoiyda VII Xalqaro ilmiy-texnik anjuman bo‘lib o‘tdi
2026-09-28 17:25:00 / Yangiliklar
Tadbir “Navoiy kon-metallurgiya kombinati” AJ, Navoiy davlat konchilik va texnologiyalar universiteti hamda hamkor tashkilotlar tomonidan tashkil etildi.
Anjumanda O‘zbekiston olim va mutaxassislari, shuningdek, 12 ta xorijiy davlatdan 40 nafarga yaqin vakil ishtirok etdi. Unda texnologik modernizatsiya, raqamli texnologiyalar va sun’iy intellektni joriy etish, geologiya va konchilikni rivojlantirish, resurslardan samarali foydalanish hamda ilm-fan, ta’lim va ishlab chiqarish integratsiyasini kuchaytirish masalalari muhokama qilindi.
Birinchi kun yakunlari bo‘yicha OAV vakillari uchun “Navoiy kon-metallurgiya kombinati” AJ va Navoiy davlat konchilik va texnologiyalar universiteti rahbar hamda mutaxassislari ishtirokida matbuot anjumani tashkil etildi. Unda jurnalistlarning savollariga javob berilib, anjumanning asosiy natijalari va amaliy ahamiyati haqida ma’lumot berildi.
Ikkinchi kuni ishtirokchilar Muruntov koni va 7-gidrometallurgiya zavodiga tashrif buyurib, ishlab chiqarish jarayonlari hamda amalga oshirilayotgan loyihalar bilan tanishdi.