Isroilning O‘zbekistondagi elchisi hamda Osiyo mamlakatlari mintaqalararo moliyaviy attashesi bilan uchrashuv o‘tkazildi
2026-09-18 16:35:00 / Yangiliklar
Uchrashuvda mehmonlarga O‘zbekiston tog‘-kon sanoati va geologiya sohasida so‘nggi yillarda amalga oshirilayotgan islohotlar, yangi tahrirdagi “Yer qa’ri to‘g‘risidagi” Qonun, investitsion muhit, investorlarga yaratilayotgan shart-sharoitlar, shaffof mexanizmlar asosida “E-Auksion” platformasi orqali tadbirkorlarga istiqbolli maydonlarning taklif qilinayotgani, “O‘zTMK” faoliyati, shuningdek gidrogeologiya, sohani raqamlashtirish, metallurgiya yo‘nalishlaridagi loyihalar haqida ma’lumot berildi.
Shuningdek, xorijiy tomon yerosti suvlari va sanoat uchun muhim minerallar sohasida hamkorlik qilishga qiziqish bildirdi. Isroil gidrogeologiya sohasida katta tajribaga ega ekanligi qayd etilib, shu munosabat bilan Isroil tomoniga yerosti suvlarini o‘rganish va ulardan foydalanish masalalari bo‘yicha tegishli takliflar hamda texnologik yechimlarni taqdim etish imkoniyatini ko‘rib chiqish taklif etildi.
Bundan tashqari, Isroil tomoni GEOMIN 2026 konferensiyasidagi ishtirokini ta’kidlab, o‘tkazilgan tadbirning ko‘lami va amaliy ahamiyatini yuqori baholadi.