O‘zbekiston ikkinchi bor Mining Week & MinePro 2026 xalqaro konchilik ko‘rgazmasida ishtirok etmoqda
2026-09-17 16:15:00 / Yangiliklar
Ko‘rgazmada O‘zbekiston Respublikasi rasmiy delegatsiyasi ham ishtirok etmoqda. Jumladan, Tog‘-kon sanoati va geologiya vazirligi, “Navoiyuran” DK, “Uzbek Overseas Geology Company”, “NKMK” AJ, “OKMK” AJ, “O‘zmetkombinat” AJ hamda “O‘zTMK” AJ o‘z stendlari bilan qatnashib, mamlakatimizning boy tabiiy resurslari, ilg‘or geologiya-qidiruv ishlari, konchilikdagi zamonaviy texnologiyalar va ishlab chiqarish salohiyatini namoyish etmoqdalar.
Ko‘rgazmada O‘zbekiston delegatsiyasi a’zolari xorijiy kompaniyalar vakillari bilan uchrashuvlar o‘tkazib, o‘z imkoniyatlari va istiqboldagi hamkorlik yo‘nalishlari haqida suhbatlashdilar.
Joriy yilda o‘tkazilayotgan Mining Week & MinePro ko‘rgazmasida 15 davlatdan 300 ga yaqin yirik va kichik kompaniyalar qatnashmoqda. Anjuman doirasida xalqaro konferensiyalar, panel muhokamalar, innovatsion taqdimotlar va kooperatsiya uchrashuvlari tashkil etilgan.