O‘zbekiston Respublikasi Tog‘-kon sanoati va geologiya vazirligi

Bugun O‘zbekiston Respublikasi Tog‘-kon sanoati va geologiya vazirligi ko‘magida va ishtirokida, Xalqaro geofiziklar jamiyati (Society of Exploration Geophysicists — SEG) tomonidan tashkil etilgan tadbirning tantanali ochilish marosimi o‘tkazildi.
 
Unda O‘zbekiston Respublikasi tog‘-kon sanoati va geologiya vazirining birinchi o‘rinbosari Feruza Xamidova hamda Xalqaro geofiziklar jamiyati (SEG) prezidenti Rokko Detomo ishtirokchilarni qutladi.
 
Ochilish marosimidan so‘ng kritik minerallar salohiyatini ro‘yobga chiqarish, yangi istiqbolli hududlarni o‘zlashtirish, mineral tizimlar konsepsiyasini rivojlantirish va loyihalarning investitsiyaviy tayyorgarligini oshirish masalalariga bag‘ishlangan vazirliklar paneli bo‘lib o‘tdi. Panelda vazirning birinchi o‘rinbosari F.Xamidova, SEG prezidenti Rokko Detomo, Qozog‘iston sanoat va qurilish vitse-vaziri Iran Sharxan hamda Geologiya fanlari universiteti rektori A.Kadirxodjayev ishtirok etishdi.
 
GEOMIN 2026 doirasida 26 mamlakatdan 70 dan ortiq tashkilot vakillari ishtirok etmoqda. Dasturdan 100 dan ortiq taqdimot, 25 ta texnik sessiya, 34 nafar asosiy spikerning chiqishlari hamda yuqori darajadagi uchta panel muhokamasi o‘rin olgan.
 
Konferensiyaning birinchi kunida Tog‘-kon sanoati va geologiya korxonalari, xorijiy kompaniyalarning ko‘rgazmasi tashkil qilindi, texnologiyalar namoyishi sessiyasi, texnik sessiyalar o‘tkazildi.
 
Shuningdek, vazirlik hamda tizim tashkilotlari rahbariyati ishtirokida bir qator uchrashuvlar, muzokaralar o‘tkazilib, xorijiy hamkorlar bilan kelishuvlar imzolandi.