Togʻ-kon sanoati va geologiya vazirligi vakillari BMT YeIK Suv konvensiyasi kotibiyatining navbatdagi yigʻilishida ishtirok etishdi
2026-09-02 14:35:00 / Yangiliklar
Unda BMT YeIK Suv konvensiyasi, Suvni baholash xalqaro markazi (IWAC) va xalqaro ekspertlardan tashqari Oʻzbekiston tomonidan Kon-geologiya vazirligi, Suv xoʻjaligi vazirligi, “Oʻzbekgidrogeologiya” DM, “GIDROINGEO Instituti” DM, Davlat geologik monitoring xizmati hamda Qozogʻiston tomonidan Suv resurslari va irrigatsiya vazirligi, Tashqi ishlar vazirligi, “Kazgidrogeologiya” MAJ vakillari qatnashdi.
Tadbirda joriy yil 1-iyulda Toshkent shahrida oʻtkazilgan birinchi yigʻilishda koʻtarilgan masalalar va ularning yechimi, ikki tomonlama hamkorlikni kuchaytirishga qaratilgan Anglashuv memorandumi hamda 2030-yilgacha moʻljallangan Toshkent transchegaraviy suvli qatlamini muhofaza qilish va undan samarali foydalanish boʻyicha “Yoʻl xarita” loyihalari muhokama qilindi.
Yigʻilish yakunida ishtirokchilar Birlashgan Millatlar Tashkiloti qoʻllab-quvvatlovi natijasida suv resurslaridan oqilona foydalanish va ularni muhofaza qilish boʻyicha yangi tashabbuslar va xalqaro loyihalar amalga oshirish istiqbollari yuzasidan fikrlar almashdilar.