Xitoyda “O‘zbekistonda tog‘-kon sanoatini barqaror rivojlantirish” mavzusida o‘quv seminari tashkil etildi
2026-08-20 16:15:00 / Yangiliklar
Tog‘-kon sanoati va geologiya vazirligi hamda uning tizim tashkilotlarida strategik rivojlantirish va transformatsiya yo‘nalishida faoliyat olib borayotgan xodimlar uchun joriy yilning 5–18-avgust kunlari Xitoyning Pekin va Sian shaharlarida “O‘zbekistonda tog‘-kon sanoatini barqaror rivojlantirish” mavzusida o‘quv seminari o‘tkazildi.
Seminar davomida Xitoyning geologiya va tog‘-kon sanoatini rivojlantirish, mineral resurslardan oqilona foydalanish, ESG tamoyillarini joriy etish, ekologik monitoring hamda geologik jarayonlarni raqamlashtirish bo‘yicha ilg‘or tajribasi o‘rganildi.
Shuningdek, tadbir ishtirokchilari Sian shahrida geologik qidiruv jarayonlarini raqamlashtirishga qaratilgan “Geosite” tizimi hamda yirik sanoat korxonalarining barqaror rivojlanish tajribasi bilan tanishdilar.