“Suv resurslarini samarali boshqarish va sanitariya sohasida barqaror rivojlanish” mavzusidagi muloqot haqida
2026-08-14 16:35:00 / Yangiliklar
Tadbirda deputatlar, tegishli vazirlik va idoralarning mas’ullari, Tog‘-kon sanoati va geologiya vazirligi vakili, Yoshlar parlamenti a’zolari, olim va ekspertlar hamda ommaviy axborot vositalari xodimlari qatnashdi.
Ochiq muloqotda so‘nggi yillarda mamlakatimizda aholini toza ichimlik suvi bilan barqaror ta’minlash, oqova suv tizimlarini yanada rivojlantirish, suv resurslaridan oqilona va samarali foydalanish, suv tejovchi zamonaviy texnologiyalarni keng joriy etishga qaratilgan keng ko‘lamli ishlar amalga oshirilayotgani ta’kidlandi.
Soha mutaxassislari tomonidan mavjud oqova suv tozalash inshootlarini rekonstruksiya qilish, yangi tozalash inshootlarini barpo etish, energiya tejamkor texnologiyalarni joriy etish hamda tozalangan oqova suvlarni texnik ehtiyojlar va ayrim iqtisodiy tarmoqlarda qayta ishlatish mexanizmlarini kengaytirish masalalariga alohida e’tibor qaratildi.
Shuningdek, suv xo‘jaligida suvni tejaydigan texnologiyalarni keng joriy etish, suv resurslarini aniq hisobga olish, yer osti suvlari muhofazasi, suv iste’molini raqamlashtirish va tarmoqlardagi yo‘qotishlarni kamaytirish ustuvor vazifalar sifatida qayd etildi.