Ko‘mir sanoatida bozor mexanizmlari joriy etilishi munosabati bilan ijtimoiy reyestrga kiritilgan oilalarni qo‘llab-quvvatlash chora-tadbirlari to‘g‘risidagi Hukumat qarori qabul qilindi
2026-07-30 18:15:00 / Yangiliklar
2026-yil 30-iyul kuni O‘zbekiston Respublikasi Vazirlar Mahkamasining 418-son qarori — «Ko‘mir sanoatida bozor mexanizmlari joriy etilishi munosabati bilan ijtimoiy reyestrga kiritilgan oilalarni qo‘llab-quvvatlash chora-tadbirlari to‘g‘risida» qabul qilindi.
Qaror bilan ko‘mir sanoatida bozor mexanizmlari joriy etilishi munosabati bilan ijtimoiy reyestrga kiritilgan oilalarni ijtimoiy qo‘llab-quvvatlash tartibi tasdiqlandi. Hujjat yordam oluvchilar toifalari, yordam ko‘rsatish shartlari va mexanizmini, shuningdek, mas’ul davlat organlarining vakolatlarini belgilaydi.
Mazkur qarorning qabul qilinishi ko‘mir sanoatini isloh qilishning navbatdagi bosqichi hisoblanadi. Bozor mexanizmlarini joriy etish aholini ijtimoiy himoya qilish choralari bilan uyg‘un holda amalga oshirilishi tarmoq samaradorligini oshirish hamda ijtimoiy himoyaga muhtoj fuqarolarni qo‘llab-quvvatlashga xizmat qiladi.