Tog‘-kon sanoati va geologiya sohasida raqamlashtirish hamda sunʼiy intellekt bo‘yicha amalga oshirilayotgan loyihalar mavzusida seminar o‘tkazildi
2026-08-07 16:35:00 / Yangiliklar
Tog‘-kon sanoati va geologiya vazirining birinchi o‘rinbosari F.Xamidova boshchiligida hokimlarining sunʼiy intellekt boʻyicha maslahatchilariga metodik koʻmak berish maqsadida tashkil qilingan tadbirda Texnologik transformatsiya markazi rahbari O.Fayzullayev, vazirlik hamda “OKMK” AJ mutasaddilari tomonidan raqamlashtirish va sunʼiy intellekt texnologiyalari joriy etish boʻyicha erishilgan natijalar taqdimoti oʻtkazildi.
Shuningdek seminarda ishtirokchilarni qiziqtirgan savollari boʻyicha suhbat oʻtkazildi hamda taqdimot qilingan tizimlarni hududlarda joriy etish imkoniyatlari tahlil qilindi.
Tadbir yakunida ishtirokchilar 3-Misni boyitish fabrikasi faoliyati hamda Qalmoqqir konida amalga oshirilayotgan ishlar bilan ham tanishdilar.
Kelgusida Texnologik transformatsiya markazi tomonidan hokimliklarga metodik va amaliy ko‘mak berishni izchil davom ettirish taklifi berildi.