Oqota istiqbolli maydonini o‘rganish loyihasi: petrografik, mineralogik va geokimyoviy usullar vositasida dala tadqiqot ishlari olib borildi
2026-08-06 10:15:00 / Yangiliklar
Geologiya va geofizika instituti ilmiy xodimlari tomonidan “Oqota istiqbolli maydonida 1 va 2-sonli oltin ma’danli zonalari ma’dan va ma’dan qamrovchi tog‘ jinslarining moddiy tarkibini petrografik, mineralogik va geokimyoviy usullar yordamida o‘rganish” loyihasi doirasida navbatdagi dala tadqiqotlari amalga oshirildi.
Dala ishlari davomida obyektda ma’dan va ma’dan qamrovchi tog‘ jinslari aniqlanib, ma’danli tanalarning yotish sharoiti, shakli, yo‘nalishi hamda geologik chegaralari o‘rganildi, geologik ochilmalar va namunalash nuqtalari batafsil hujjatlashtirildi.
Mazkur tadqiqotlar Oqota istiqbolli maydonidagi oltin ma’danli zonalarning geologik tuzilishi, ma’danlashuv xususiyatlari hamda ma’dan va ma’dan qamrovchi tog‘ jinslarining tarkibini kompleks o‘rganish maqsadida olib borilmoqda.