Surxondaryo viloyatida yangi minerallashuv zonalarining istiqbollari o‘rganilmoqda
2026-07-30 16:00:00 / Yangiliklar
H.M. Abdullayev nomidagi Geologiya va geofizika instituti Ma'dan hosil bo‘lish jarayonlari laboratoriyasi ilmiy xodimlari tomonidan Surxondaryo viloyatining Chairli va Qorason ma'danli maydonlarida navbatdagi dala geologik tadqiqotlari olib borilmoqda. Tadqiqotlar hududning geologik xususiyatlarini chuqur o‘rganish hamda ilmiy ma'lumotlar bazasini boyitishga xizmat qilmoqda.
Dala ishlari jarayonida tog‘ jinslaridan namunalar olinib, ularning mineralogik va petrografik tarkibi, tuzilishi hamda hosil bo‘lish sharoitlarini kompleks tahlil qilish uchun zarur materiallar jamlanmoqda. Olingan namunalar laboratoriya sharoitida batafsil ilmiy tadqiqotlardan o‘tkaziladi.
Mazkur izlanishlar hududning geologik tuzilishini yanada aniqroq baholash, ma'dan hosil bo‘lish jarayonlarini ilmiy asosda tahlil qilish hamda istiqbolli ma'danlashuv zonalarini aniqlash bo‘yicha muhim natijalarga erishishga xizmat qiladi.