Yaponiya Iqtisodiyot, savdo va sanoat vazirligi delegatsiyasi bilan uchrashuv o‘tkazildi
2026-07-29 18:00:00 / Yangiliklar
2026 yil 29 iyul kuni O‘zbekiston Respublikasi Tog‘-kon sanoati va geologiya vazirining birinchi o‘rinbosari F. Xamidova Yaponiya Iqtisodiyot, savdo va sanoat vazirligi (METI) delegatsiyasi bilan uchrashuv o‘tkazdi.
Uchrashuv davomida tomonlar mineral resurslar sohasida hamkorlikni rivojlantirish istiqbollari, jumladan, muhim minerallarni barqaror yetkazib berish zanjirlarini shakllantirish va investitsiyaviy hamkorlikni kengaytirish masalalarini muhokama qildilar.
F. Xamidova O‘zbekistonda sohani rivojlantirish borasida amalga oshirilayotgan ishlar hamda xorijiy investorlar uchun yaratilgan shart-sharoitlar haqida ma’lumot berdi. Yaponiya delegatsiyasi vakillari taqdim etilgan imkoniyatlarni o‘rganish va hamkorlikni rivojlantirishdan manfaatdor ekanliklarini bildirdilar.