"Byurokratiyani bartaraf etish – 2030" dasturi doirasida onlayn-trening o‘tkazildi
2026-07-24 19:00:00 / Yangiliklar
Joriy yilning 24-iyul kuni O‘zbekiston Respublikasi Tog‘-kon sanoati va geologiya vazirligi hamda Ichki ishlar vazirligi mas’ul xodimlari ishtirokida "Byurokratiyani bartaraf etish – 2030" dasturi doirasida onlayn-trening tashkil etildi. Tadbirning asosiy maqsadi byurokratik jarayonlarni qisqartirish va tegishli platformadan samarali foydalanish bo‘yicha amaliy ko‘nikmalarni shakllantirishdan iborat bo‘ldi.
Trening davomida ishtirokchilarga byurokratiyasiz2030.uz platformasi orqali byurokratik holatlarni aniqlash, takliflarni tizimga kiritish, ularni belgilangan tartibda rasmiylashtirish hamda ko‘rib chiqish bosqichlari yuzasidan batafsil ma’lumot va amaliy tavsiyalar berildi.
Shuningdek, ishtirokchilarni qiziqtirgan savollarga mutaxassislar tomonidan atroflicha javob berildi. Bunday o‘quv-treninglar davlat organlari faoliyatida ortiqcha byurokratik to‘siqlarni kamaytirish, ish jarayonlarini yanada soddalashtirish hamda "Byurokratiyani bartaraf etish – 2030" dasturining izchil amalga oshirilishiga xizmat qiladi.