Hududlarda olib borilayotgan loyihalar yuzasidan o‘rganishlar amalga oshirildi
2026-07-14 17:30:00 / Yangiliklar
Joriy yilning 6–12-iyul kunlari O‘zbekiston Respublikasi Hisob palatasi, Bosh prokuratura hamda vazirlik o‘rtasidagi kelishuv asosida “O‘zbekgidrogeologiya” DM tomonidan amalga oshirilayotgan gidrogeologik tadbirlar joyiga chiqqan holda o‘rganildi.
Andijon, Toshkent, Samarqand va Navoiy viloyatlarida 5 ta loyiha bo‘yicha 20 dan ortiq burg‘i quduqlari hamda boshqa tadqiqot natijalari ko‘zdan kechirildi. Shuningdek, bajarilgan ishlarning geologik topshiriqlarga muvofiqligi va dala hujjatlari holati baholandi.
O‘rganish yakunida aniqlangan kamchiliklarni bartaraf etish yuzasidan tegishli tavsiyalar berildi.