CRCC Investment kompaniyasi Oʻzbekiston konchilik sanoati loyihalarida ishtirok etish imkoniyatlarini koʻrib chiqmoqda
2026-07-09 17:35:00 / Yangiliklar
Muzokaralar davomida CRCC Investment kompaniyasi oʻz faoliyati, amalga oshirilayotgan xalqaro investitsiya va infratuzilma loyihalari haqida maʼlumot taqdim etdi hamda Oʻzbekiston bilan hamkorlikni kengaytirishga qiziqish bildirdi. Shuningdek, kompaniyaning mamlakat konchilik sanoati loyihalarida ishtirok etish istiqbollari muhokama qilindi.
R. Yusupov delegatsiyani Oʻzbekistonda yer qaʼridan foydalanish sohasida amalga oshirilayotgan islohotlar, investitsiyalarni jalb etish mexanizmlari hamda istiqbolli yer qaʼri uchastkalaridan foydalanish huquqini berish boʻyicha elektron auksionlarda ishtirok etish imkoniyatlari bilan tanishtirdi.
Uchrashuv yakunida tomonlar hamkorlikni rivojlantirishdan oʻzaro manfaatdor ekanini tasdiqlab, istiqbolli yoʻnalishlar boʻyicha muloqotni davom ettirishga kelishib oldilar.