“Qadring baland bo‘lsin, ona tilim” shiori ostida ommaviy diktant o‘tkazildi
2024-08-09 17:35:00 / Yangiliklar
Joriy yilning 9-avgust kuni Tog‘-kon sanoati va geologiya vazirligida O‘zbekiston Respublikasi mustaqilligining 33 yilligi hamda “Davlat tili haqida”gi Qonun qabul qilinganining 35 yilligiga bag‘ishlab “Qadring baland bo‘lsin, ona tilim” shiori ostida ommaviy diktant tadbiri bo‘lib o‘tdi.
Unda vazirlik markaziy apparatining barcha xodimlari diktant yozish yo‘li orqali imlo savodxonligi bo‘yicha o‘z bilimlarini tekshirib ko‘rish imkoniyatiga ega bo‘ldilar.
Shuningdek, xodimlar O‘zbek tili savodxonligi bo‘yicha test sinovlarini topshirishdi va o‘zbek xalq maqollarini qay darajada bilishlarini namoyish etgan holda o‘zaro musobaqalashdilar.