Investor jurnalida Tog‘-kon sanoati va geologiya vazirining maqolasi e’lon qilindi
2026-06-26 17:35:00 / Yangiliklar
O‘zbekiston Respublikasi mustaqilligining 35 yilligiga bag‘ishlangan Investor xalqaro jurnalining maxsus sonida O‘zbekiston Respublikasi Tog‘-kon sanoati va geologiya vaziri Bobur Islamovning maqolasi chop etildi.
Maqolada tog‘-kon sanoatini rivojlantirishning ustuvor yo‘nalishlari, sanoat uchun muhim minerallar strategiyasi, geologiya-qidiruv ishlarini kengaytirish, geologiyani raqamlashtirish, sun’iy intellektni joriy etish hamda yer qa’ridan foydalanish tizimini takomillashtirish masalalari yoritilgan.
Shuningdek, geologiya-qidiruv va qazib olishdan tortib, mineral xomashyoni chuqur qayta ishlashgacha bo‘lgan to‘liq ishlab chiqarish zanjirini shakllantirish, xalqaro hamkorlikni rivojlantirish, investorlar uchun qulay sharoitlar yaratish va yirik investitsiya loyihalarini amalga oshirish masalalariga alohida e’tibor qaratilgan.