“Zakovat” musobaqasi: Tog‘-kon va geologiya sohasi bilimdonlari kubok uchun bahs yuritishdi
2026-06-19 16:15:00 / Yangiliklar
Tog‘-kon sanoati va geologiya vazirligi tizimidagi korxona va tashkilotlar xodimlari o‘rtasida “Zakovat” intellektual musobaqasi bo‘lib o‘tdi.
Yoshlarning intellektual salohiyatini oshirish, dunyoqarashini kengaytirish va sog‘lom raqobat muhitini shakllantirish maqsadida tashkil etilgan musobaqada 22 ta korxona va tashkilotdan 60 ta jamoa ishtirok etdi.
Yakunda Geologiya fanlari universitetining “UNIGEO” hamda Geologiya va geofizika institutining “GGI” jamoalari mos ravishda 2- va 3-o‘rinni egalladi. Navoiy davlat konchilik va texnologiyalar universitetining “NDKTU-1” jamoasi musobaqa g‘olib bo‘ldi va “Zakovat” kubogini qo‘lga kiritdi.