Shvetsiya Qirolligi Tashqi ishlar vazirligining xalqaro rivojlanish hamkorligi va tashqi savdo bo‘yicha davlat kotibi boshchiligidagi delegatsiya bilan uchrashuv o‘tkazildi
2026-06-10 16:15:00 / Yangiliklar
Uchrashuv davomida ikki davlat oʻrtasida togʻ-kon sanoati va geologiya sohasidagi hamkorlikni yanada kengaytirish masalalari muhokama qilindi. Xususan, joriy yil mart oyida vazirlik delegatsiyasining Shvetsiyaga tashrifi natijalari, Epiroc, Volvo CE, ABB hamda Green 14 kompaniyalari bilan olib borilayotgan hamkorlik loyihalari koʻrib chiqildi.
Tomonlar sohaga zamonaviy texnologiyalarni joriy etish, kadrlar tayyorlash, investitsiya loyihalarini amalga oshirish, shuningdek togʻ-kon sanoatida ekologik, ijtimoiy va korporativ boshqaruv (ESG) tamoyillari hamda xalqaro barqaror rivojlanish standartlarini joriy etish sohalarida hamkorlik istiqbollarini muhokama qildilar.
Tadbir yakunida Oʻzbekiston Respublikasi Togʻ-kon sanoati va geologiya vazirligi hamda Shvetsiya tashqi savdo va xalqaro hamkorlik vazirligi oʻrtasida togʻ-kon sohasida kengaytirilgan hamkorlik toʻgʻrisidagi Anglashuv memorandumi imzolandi.