“Katta toʻrtlik” auditorlari “Navoiyuran” DKning IFRS moliyaviy hisobotlariga ijobiy xulosa berdi
2024-07-30 18:05:00 / Yangiliklar
“Navoiyuran” davlat korxonasi mutaxassislari tomonidan IFRS standartlari ishlab chiqilgan 2022-2023-yillar moliyaviy hisobotlari “Katta toʻrtlik” safiga kiruvchi “Deloitte” auditorlik tashkiloti tomonidan auditdan oʻtkazildi va hisobotlarga ijobiy xulosa berildi.
“Katta toʻrtlik” auditor tashkilotlarining bunday xulosasi korxonaning buxgalteriya, hisob-kitob, moliya tizimi toʻgʻri yoʻlga qoʻyilganligini, tayyorlangan moliyaviy hisobotlar haqiqatga mosligini va ushbu hisobotlar asosida korxona investitsiya loyihalariga davlat kafolatisiz mablagʻ jalb qilish mumkinligini anglatadi.
Korxonaning Loyiha ofisi maʼlumotlariga koʻra, moliya yoʻnalishidagi transformatsiya jarayonlarini keyingi bosqichi bu – Fitch Ratings agentligidan kredit reytingini qoʻlga kiritish hisoblanadi.