Vazirlik rahbariyati “Vazir kubogi” musobaqasi arafasida idora futzal jamoasi a’zolari bilan uchrashdi
2026-06-03 15:15:00 / Yangiliklar
Tog‘-kon sanoati va geologiya vazirligi rahbariyati futzal bo‘yicha “Vazir kubogi” musobaqasida ishtirok etadigan jamoa vakillari bilan uchrashuv o‘tkazdi.
Uchrashuv davomida jamoaning musobaqaga tayyorgarligi, tadbirning tashkiliy jihatlari, shuningdek vazirlik markaziy apparati xodimlaridan iborat jamoaning musobaqada munosib ishtirok etishi kabi masalalar muhokama qilindi.
Jamoa ishtirokchilariga o‘yin formalari jamlanmasi taqdim qilindi. Vazirlik rahbariyati havaskor sportchilarga musobaqada muvaffaqiyatli ishtirok, birdamlik, halol o‘yin hamda yorqin g‘alabalar tiladi.
Eslatib o‘tamiz, Tog‘-kon sanoati va geologiya vazirligi tizimidagi tashkilotlar xodimlari o‘rtasidagi futzal bo‘yicha “Vazir kubogi” musobaqasi joriy yilning 6-iyun kuni bo‘lib o‘tadi.