Ohangaronda yirik sanoat loyihasi uchun gidrogeologik qidiruv ishlari amalga oshirilmoqda
2026-05-26 15:15:00 / Yangiliklar
Toshkent viloyati Ohangaron tumanida joylashgan yer osti suv konida strategik ahamiyatga ega gidrogeologik tadqiqotlar olib borilmoqda. “O‘zbekgidrogeologiya” DM hamda “UZCOPPER” MChJ o‘rtasidagi shartnoma asosida 6-Mis boyitish fabrikasini (MBF-6) barqaror texnik suv bilan ta’minlash maqsadida keng ko‘lamli izlanishlar amalga oshirilmoqda.
Loyiha doirasidagi dastlabki muhim bosqich — yo‘nalishli dala-kuzatuv (marshrut) ishlari muvaffaqiyatli yakunlandi. Hozirgi kunda hududda yer osti suvlarini izlash, murakkab geofizik tadqiqotlar o‘tkazish hamda maxsus quduqlarni burg‘ilash ishlari bosqichma-bosqich davom etmoqda.
Izlanishlar hudud sanoat salohiyatini yanada oshirish, yangi ishlab chiqarish quvvatlarini barqaror suv bilan ta’minlash va yirik sanoat loyihalarining uzluksiz faoliyatini ta’minlashda muhim ahamiyat kasb etadi.