GFUda BRGM hamda Fransiyaning Lotaringiya universiteti vakillari ishtirokida seminarlar o‘tkazildi
2026-05-25 16:10:00 / Yangiliklar
Geologiya fanlari universitetida Fransiya Geologiya xizmati (BRGM) hamda Lotaringiya universiteti vakillari ishtirokida “Energetika va raqamli transformatsiyalar uchun metallar: resurslardan metallargacha” mavzusida xalqaro seminarlar bo‘lib o‘tdi.
Seminarda universitet rahbariyati, professor-o‘qituvchilar, yosh olimlar hamda talabalar ishtirok etdi. Xorijlik ekspertlar - Dr. A.G. Guezennec va Dr. R. Michels tomonidan geologiya hamda zamonaviy sanoat uchun muhim bo‘lgan qator dolzarb mavzularda ma’ruzalar qildilar.
Kritik xomashyolar, rudalarni qayta ishlash texnologiyalari, qazilma organik moddalarning tabiati hamda ularning metall konlari shakllanishidagi o‘rni, geologik jarayonlarning ekologik ta’siri, jumladan suv, energiya va chiqindilar masalalari, shuningdek ko‘mirlardagi germaniy elementi bo‘yicha ilmiy yondashuvlar muhokama qilindi.