Olis va choʻl hududlarda yer osti suvlarini qidirish boʻyicha loyihalar belgilab olindi
2024-07-22 16:16:00 / Yangiliklar
Respublikamizning olis va choʻl hududlarida yer osti suvlari manbalarini kam xarajatli innovatsion tadqiqot usullari orqali qidirib topish va geologik tadqiqotlarni olib borish boʻyicha pilot loyihalarni belgilab olish va kelgusida oʻzaro tajriba almashinuvini yoʻlga qoʻyish maqsadida “Aspek” kompaniyasi, Kon-geologiya vazirligi, “Navoiy KMK” AJ, “Navoiyuran” DM va “Oʻzsuvtaʼminot” AJ vakillari oʻrtasida uchrashuv boʻlib oʻtdi.
Markaziy Qizilqum hududlarida joylashgan “Navoiy KMK” AJ va “Navoiyuran” DK obyektlarini suv bilan taʼminlash, shuningdek, aholini ichimlik suv taʼminotini yaxshilash masalalari muhokama qilindi.
Uchrashuv yakunida xorijlik hamkorlar bilan birgalikda tegishli mutaxassislar-gidrogeologlar ishtirokida tanlangan loyihalarni joyiga chiqqan holda oʻrganishga kelishib olindi.