O‘zbekiston Respublikasi Tog‘-kon sanoati va geologiya vazirligi

Tadbirda Togʻ-kon sanoati va geologiya vazirligi ijro apparati hamda 20 dan ortiq tizimosti korxonalari boshqarma va boʻlim rahbar xodimlari ishtirok etdi. 

Kon-geologiya vaziri oʻrinbosari U.Yusupov yigʻilish ishtirokchilariga tizimda korrupsiyaga qarshi kurashish sohasida amalga oshirilayotgan ishlar toʻgʻrisida maʼlumot berib oʻtdi.

Shuningdek tadbirda Oʻzbekiston Respublikasi Bosh prokuraturasining Korrupsiyaga qarshi kurashish sohasidagi chora-tadbirlarni muvofiqlashtirish boshqarmasi prokurori, yuridik fanlari nomzodi (PhD) I.Achilov “Oʻzbekistonda korrupsiyaga qarshi kurashish mexanizmlari va uning huquqiy asoslari” mavzusida maʼruza qildi. Ma’ruzachi korrupsiyaga qarshi kurashish sohasidagi qonunchilik normalari, korrupsiya tushunchasi, uni oʻz vaqtida aniqlash va bartaraf etish, shuningdek, korrupsiyaga qarshi kurashish sohasidagi javobgarlik masalalariga batafsil toʻxtaldi. 

Shuningdek, seminarda ishtirokchilarni qiziqtirgan savollarga mas’ullar tomonidan javoblar berildi.