Qizilolmasoy ma’danli maydonining Uchbuloq uchastkasida geologiya qidiruv ishlari amalga oshirilmoqda
2026-04-28 16:50:00 / Yangiliklar
“O‘zbek geologiya qidiruv” AJ Toshkent markaziy geologiya qidiruv ekspeditsiyasi tarkibidagi Sharqiy-Qurama dala ekspeditsiyasi tomonidan Qizilolmasoy ma’danli maydonining Uchbuloq uchastkasida geologik qidiruv ishlari boshlandi.
Hududda geologiya izlash marshrutlari tashkil etilib, maydonning geologik tuzilishi, minerallashuv belgilari hamda istiqbolli zonalarni aniqlash ishlari olib borilmoqda.
Shuningdek, uchastkada Markaziy geologiya-geofizika ekspeditsiyasi tomonidan yer usti geofizik tadqiqotlar, xususan magnit qidiruv usuli orqali ishlar bajarilmoqda.