O‘zbekiston Respublikasi Tog‘-kon sanoati va geologiya vazirligi

Parlament komissiyasining hamraisi, Oliy Majlis Senati Raisi Tanzila Narbayeva rahbarligidagi majlisda Tog‘-kon sanoati va geologiya vazirligi vakillari ham ishtirok etishdi. Yig‘ilishda barqaror rivojlanish sohasidagi 15-milliy maqsadi doirasida oʻrmonlardan oqilona foydalanish, choʻllanishga qarshi kurashish, yerlarning yemirilishini va bioxilmaxillikning yoʻqolishini toʻxtatish borasida amalga oshirilgan ishlar, shuningdek, majlis davomida Surxondaryo viloyatida oʻrmonlardan oqilona foydalanish, choʻllanish va yer yemirilishiga qarshi kurashish, bioxilmaxillikni saqlash boʻyicha amalga oshirilgan ishlar holatini oʻrganish natijalari muhokama qilindi.

2025-yilda 4 811 km ochiq va 701 km yopiq kollektor tarmoqlari, 141 ta gidrotexnik inshoot, 770 ta kuzatuv qudugʻi taʼmirlangani, 17 ta gidrotexnik inshoot va 60 ta kuzatuv qudugʻi qayta qurilgani, mazkur tadbirlar natijasida yerlarning meliorativ holati yaxshilanib, viloyat boʻyicha shoʻrlangan maydonlar 93,8 ming gektardan 90,1 ming gektargacha kamaytirilgani, bu eroziya va degradatsiyaning oldini olishga sezilarli taʼsir koʻrsatgani qayd etildi.

Majlis yakunida Parlament komissiyasining tegishli qarori, respublika hamda Surxondaryo viloyatida amalga oshiriladigan chora-tadbirlar rejasi (“yoʻl xaritasi”) qabul qilindi, mutasaddi vazirlik va idoralar zimmasiga ularning ijrosini taʼminlash yuzasidan zarur vazifalar yuklatildi.