O‘zbekiston Respublikasi Tog‘-kon sanoati va geologiya vazirligi

Uchrashuvda vazirlik tizimida korrupsiyaga qarshi kurashish sohasida amalga oshirilayotgan ishlar, erishilgan natijalar, bu boradagi chora-tadbirlarni jadallashtirish va boshqa bir qator jihatlar haqida qisqa hisobot berildi.

Senat qo‘mitasi raisi tog‘-kon sanoati va geologiya sohasining rivojlanayotgani, qonunchilikning takomillashib borayotgani, raqamlashtirish va transformatsiya jarayonlari amalga oshirilayotganini qayd etdi.

Shundan keyin Tog‘-kon sanoati va geologiya vazirligi hamda Senatning Sud-huquq masalalari va korrupsiyaga qarshi kurashish qo‘mitasi o‘rtasida o‘zaro Hamkorlik memorandumi imzolandi.

Mazkur hujjat ikki tomonlama hamkorlikni yangi bosqichga olib chiqishga qaratilgan bo‘lib, konchilik va geologiya sohasidagi korrupsiyaviy holatlarni barvaqt aniqlash va bartaraf etish, ochiqlik va shaffoflikni ta’minlash bo‘yicha hamda sohada parlament nazoratini ilmiy-uslubiy jihatdan ta’minlashga xizmat qiladi.