Kon-geologiya vazirligi delegatsiyasi “Geoscience & Exploration Central Asia: Yevrosiyo geologiyasi, resurslari va kelajagi” xalqaro forumining yalpi majlisida ishtirok etdi
2026-04-07 09:30:00 / Yangiliklar
“Geoscience & Exploration Central Asia: Yevrosiyo geologiyasi, resurslari va kelajagi” xalqaro forumi doirasida O‘zbekiston Respublikasi tog‘-kon sanoati va geologiya vazirligi delegatsiyasi Qozog‘iston Respublikasi Bosh vaziri Oljas Bektenov tomonidan ochib berilgan yalpi majlisda qatnashdi.
Tadbirda vazir o‘rinbosari R. Yusupov O‘zbekistonning tog‘-kon sektoridagi investitsiyaviy imkoniyatlari mavzusida taqdimot qildi. Unda forum ishtirokchilariga mamlakatimiz salohiyati, amalga oshirilayotgan islohotlar va xalqaro hamkorlik uchun istiqbolli yo‘nalishlar haqida batafsil ma’lumot berildi.
Delegatsiyaning ushbu forumdagi ishtiroki mintaqaviy hamkorlikni mustahkamlash hamda mamlakatimiz tog‘-kon sanoatining investitsiyaviy jozibadorligini xalqaro maydonda targ‘ib qilishda muhim qadam bo‘ldi.