“O‘zTMK” AJga korrupsiyaga qarshi boshqaruv tizimi bo‘yicha xalqaro sertifikat berildi
2026-03-27 18:15:00 / Yangiliklar
“O‘zbekiston texnologik metallar kombinati” AJ korrupsiyaga qarshi boshqaruv tizimi bo‘yicha BSI ISO 37001:2016 xalqaro sertifikatini qo‘lga kiritdi.
Mazkur sertifikatlash jarayoni British Standards Institution (BSI) tomonidan amalga oshirildi va kompaniyada korrupsiyaga qarshi boshqaruv tizimi xalqaro talablarga muvofiq yo‘lga qo‘yilganini tasdiqlaydi.
ISO 37001:2016 standarti tashkilotlarda korrupsiyaga qarshi boshqaruv tizimini joriy etish, xavflarni baholash, ichki nazorat mexanizmlarini kuchaytirish hamda faoliyatni shaffof asosda tashkil etishni nazarda tutadi.