Togʻ-kon sanoati va geologiya vazirligi faoliyatining 2025-yil yakunlari hamda 2026-yildagi ustuvor vazifalar jamoatchilik vakillari ishtirokida muhokama qilindi
2026-03-25 16:05:00 / Matbuot anjumanlari
Matbuot anjumanida vazir o‘rinbosari U.Yusupov, boshqarma boshlig‘i M.Bolibekov, vazirlik boshqarma va bo‘limlari boshliqlari, tizimosti tashkilotlar rahbarlari, ommaviy axborot vositalari xodimlari ishtirok etishdi.
Tadbirda mutasaddilar 2025-yilda respublikada mineral xomashyo bazasini barqaror rivojlantirish, yangi konlarni aniqlash va geologiya-qidiruv ishlarini kengaytirish boʻyicha amalga oshirilgan keng koʻlamli ishlar, kosmogeologik va geokimyoviy tadqiqotlar, yirik hajmda bajarilgan aerogeofizik ishlar, togʻ massivlaridagi mukammal regional geologik oʻrganish ishlari, yer osti suvlari zaxiralarini oshirish boʻyicha qilingan ishlar, shuningdek togʻ-kon sanoati korxonalari tomonidan ishlab chiqarilgan mahsulotlar qiymati haqida ma’lumotlar berishdi.
Bundan tashqari, 2025-yilda ijobiy dinamikani namoyon qilgan eksport ko‘rsatkichlari, sohada o‘zlashtirilgan xorijiy investitsiyalar, yangi ishlab chiqarish quvvatlari yaratilgani alohida qayd etildi.
Shuningdek, 2026-yildagi asosiy vazifalar, jumladan geologik loyihalar, mahsulot ishlab chiqarish hajmi oshirilishi, yangi ish o‘rinlari yaratilishi ma’lum qilinib, vazirlik rahbariyati va tizimosti korxonalar vakillari matbuot anjumani ishtirokchilarni qiziqtirgan savollarga javoblar qaytarishdi.