Tog‘-kon sanoati korxonalari uchun raqamli yechimlar va sun’iy intellektni qo‘llashga bag‘ishlangan qo‘shma seminar-trening xususida
2026-02-26 17:35:00 / Yangiliklar
2026-yil 26-fevral kuni Tog‘-kon sanoati va geologiya vazirligi tomonidan McKinsey & Company xalqaro konsalting kompaniyasi bilan hamkorlikda “OKMK” AJ Muhandislik maktabida soha korxonalari uchun raqamli yechimlar va sun’iy intellektni qo‘llashga bag‘ishlangan qo‘shma seminar-trening tashkil qilindi.
Tadbirni Tog‘-kon sanoati va geologiya vazirining birinchi o‘rinbosari F.Xamidova kirish so‘zi bilan ochib berdi. Sohani raqamlashtirishning ahamiyati, sun’iy intellektdan unumli foydalangan holda bir qator muammolarga yechimlar topiloyatgani, axborot texnologiyalarining soha rivojiga hissa qo‘shayotgani ta’kidlandi.
O‘zaro tajriba almashinuvini amalga oshirishda muhim o‘rin tutgan mazkur seminar-treningda “NKMK” AJ, “OKMK” AJ, “O‘zmetkombinat” AJ, “O‘zTMK” AJ hamda “Navoiyuran” DK mas’ullari ishtirok etishdi.