Xususan, Korrupsiyaga qarshi ichki nazorat bo‘limi hamda Axborot xizmati hamkorligida Tog‘-kon sanoati va geologiya vazirligida korrupsiyaga qarshi kurashishga qaratilgan chora-tadbirlar haqida turkum roliklar tayyorlanib, “Korrupsiyaga qarshi siyosat” haqidagi videomaterial vazirlikning rasmiy sahifalarida e’lon qilinib, lokal guruh orqali xodimlarga namoyish etildi. 

Mazkur Siyosat vazirlik ijro apparti va tizim tashkilotlarining xodimlarining yuqori axloqiy me’yorlarga sodiqligini, shuningdek, ularni faoliyatida korrupsiyaviy huquqbuzarliklarga murosasizlik va korrupsiyaga oid qoidabuzarliklarni sodir etishga yo‘l qo‘ymaslikni aks ettiradi.

Shuningdek, “Odob-axloq kodeksi”, “Manfaatlar toʻqnashuvini boshqarish to‘g‘risidagi Nizom”, “Sovg‘a berish va qabul qilish siyosati” mazmunidagi roliklar ham vazirlik hamda tizimosti korxonalar xodimlariga yetkaziladi.