“O‘zbekiston tog‘ jinslarining etalon namunalar katalogi” haqida
2026-02-18 12:20:00 / Yangiliklar
Geologiya va geofizika instituti Petrologiya laboratoriyasi ilmiy xodimlari tomonidan 1128 sahifadan iborat “O‘zbekiston tog‘ jinslarining etalon namunalar katalogi” tuzildi.
Loyiha doirasida amalga oshirilgan ilmiy tadqiqotlar va dala ishlari natijasida respublikaning tog‘-ma’danli hududlaridan to‘plangan magmatik, metamorfik va cho‘kindi tog‘ jinslari, minerallar hamda ma’danli namunalar asosida etalon kolleksiyalar shakllantirildi.
Katalog geologiya fanini rivojlantirish, ilmiy tadqiqotlar sifatini oshirish hamda yosh mutaxassislarni tayyorlashda muhim metodik manba bo‘lib xizmat qiladi.