Tog‘-kon sanoati va geologiya vazirligi huzuridagi Foydali qazilmalar zaxiralari bo‘yicha davlat komissiyasi eksperti nomzodiga ochiq tanlov
2026-02-25 18:10:00 / E’lonlar
Mazkur tartibga muvofiq, Respublika mineral xomashyo bazasini rivojlantirishini ta‘minlaydigan qattiq foydali qazilmalar, neft va gaz, gidrogeologiya va muhandislik geologiya yo‘nalishlari bo‘yicha foydali qazilmalar zaxiralarini hisoblash, zaxiralarni hisoblashda konditsiyalarining texnik-iqtisodiy asoslari, neft va gaz kondensatini qazib olish koeffitsiyentlari, gidrogeologiya va muhandislik geologiya materiallarini ekspertizadan o‘tkazish uchun Davlat zaxiralari komissiyasi (keyingi o‘rinlarda Davlat komissiyasi) eksperti nomzodiga ochiq tanlov e’lon qilinmoqda.
Davlat komissiyasi eksperti nomzodiga vazifani bajarishda qo‘yiladigan talablar:
Sifat ko‘rsatkichlari:
qattiq foydali qazilmalar, neft va gaz, gidrogeologiya va muhandislik geologiya yo‘nalishlari bo‘yicha ushbu sohalarda faoliyat yuritish;
mazkur sohalarda kamida 5 (besh) yil tajribaga ega bo‘lish;
geologik tasvirlash, foydali qazilmalar konlarini izlash va qidirish, yer qaʼridagi foydali qazilmalar zaxiralarini hisoblash, zaxiralarni hisoblashda konditsiyalarining texnik-iqtisodiy asoslari, neft va gaz kondensatini qazib olish koeffitsiyentlari, gidrogeologiya va muhandislik geologiya, shuningdek, boshqa materiallarni tahlil qilishda tajribaga ega bo‘lish;
konlarni blokli modellashtirishda foydalanadigan: CAE Mining (DATAMINE), SURPAC, Micromine, Petrel, Paradigm va boshqa dasturiy taʼminotlarda ish tajribasiga ega bo‘lish.
Muddatlar:
Davlat komissiyasi eksperti foydali qazilmalar zaxiralarini hisoblab chiqishga oid materiallarni, texnik iqtisodiy asoslar, shuningdek, boshqa materiallarni koʻrib chiqib, 30 kun ichida Davlat komissiyasiga ekspertiza xulosasini taqdim etadi.
Zarur malaka:
qattiq foydali qazilmalar, neft va gaz, gidrogeologiya va muhandislik geologiya yo‘nalishlari bo‘yicha oliy kasbiy ta’lim diplomi.
Texnik va moddiy resurslar talablari:
O‘zbekiston Respublikasining normativ-huquqiy hujjatlari, “Yer qa’ri to‘g‘risida” Qonuni, Davlat komissiyasi haqidagi Nizom, tog‘-kon munosabatlari sohasidagi boshqa qonunchilik hujjatlari, geologiya qidiruv sohasida amalda bo‘lgan normativ-meʼyoriy hujjatlar va boshqa normativ hujjatlar bilan ishlash va tushunchaga ega bo‘lish;
konlarni blokli modellashtirishda foydalanadigan: CAE Mining (DATAMINE), SURPAC, Micromine, Petrel, Paradigm va boshqa dasturiy taʼminotlarda ishlash.
Shu bilan birga, tanlovda ishtirok etish niyati bo‘lgan talabgorlar belgilangan muddatlarda ilovaga muvofiq hujjatlarni A.Ibragimov@mingeo.uz elektron manziliga yuborishi shart.
Tanlov yakuniga yetdi.
Izoh: FНТ shartnoma bo‘yicha ijrochilarni tanlash komissiyasi hujjatlarni o‘rganib chiqish davrida tanlovda ishtirok etayotgan shaxsdan qo‘shimcha ma’lumotlarni talab etish huquqiga ega bo‘lib, ish sifatini o‘rganish maqsadida boshqa korxona va tashkilotlarga so‘rovnomalar yuborishi mumkin.
Davlat komissiyasi ekspertlarining shaxsiy tarkibi Davlat zaxiralari komissiyasi tomonidan tasdiqlanadi.
Davlat komissiyasining ishchi organi ko‘rib chiqilayotgan obyektlarning murakkabligiga ko‘ra ekspertizalarning zarur turlarini va ularni o‘tkazish uchun ekspertlarning shaxsiy tarkibini belgilaydi.