Konchilik va geologiya sohasida yashirin iqtisodiyotga qarshi kurashish bo‘yicha Soliq qo‘mitasi bilan hamkorlik masalalari muhokama qilindi
2026-02-10 16:10:00 / Yangiliklar
Tadbir davomida kosmik monitoring orqali aniqlangan qazib olish hajmlarini yer qa’ridan foydalanuvchilar tomonidan taqdim etilayotgan hisobotlar bilan taqqoslash hamda ushbu ma’lumotlarni Soliq qo‘mitasining axborot tizimlariga integratsiya qilish masalalari muhokama qilindi.
Shuningdek, foydali qazilmalarni noqonuniy qazib olish yoki qazib olingan hajmlarni to‘liq aks ettirmaslik holatlarini aniqlash bo‘yicha qo‘shma tekshiruvlarni tashkil etish, doimiy nazorat choralarini yo‘lga qo‘yish hamda davlat xaridlari jarayonida affillanganlik holatlarini barvaqt aniqlash orqali manfaatlar to‘qnashuvining oldini olish yuzasidan fikr almashildi.
Tadbir yakunida Kon-geologiya vazirligining Geomonitoring elektron axborot tizimini Soliq qo‘mitasining elektron bazalari bilan integratsiya qilish orqali tezkor ma’lumot almashinuvini ta’minlash hamda kelgusida ham ushbu yo‘nalishdagi ishlarni izchil davom ettirish masalalari kelishib olindi.