GFU va NDKTUda World Learning tashkiloti bilan hamkorlikda konchilik sohasi mutaxassislari uchun ingliz tili kursi bo‘yicha tadbirlar bo‘lib o‘tdi
2026-02-10 10:55:00 / Yangiliklar
Geologiya fanlari universiteti hamda Navoiy davlat konchilik va texnologiyalar universitetlarida World Learning tashkiloti (AQSh) bilan hamkorlikda Konchilik sohasi mutaxassislari uchun ingliz tili kursi bo‘yicha axborot sessiyalari tashkil qilindi.
Tadbirlarda World Learning kompaniyasi vakili — Dr. Kara McBride, AQSHning Toshkentdagi elchixonasi vakili—F.Akobirov ishtirok etdilar.
Muloqotlarda 15-fevraldan 2-maygacha tog‘-kon, metallurgiya va geologiya sohasi mutaxassislari uchun mo‘ljallangan onlayn ingliz tili kursining (MOOC) mazmuni, o‘qitish formati hamda kelgusidagi hamkorlik istiqbollari muhokama etildi.
Dasturning asosiy maqsadi – O‘zbekiston bo‘ylab 500 nafargacha kon sanoati mutaxassislari, olimlar va konchilik yo‘nalishida tahsil olayotgan talabalarga sifatli ingliz tili ta’limini taqdim etishdan iborat.