Suv resurslarini iqlim o‘zgarishiga mos holda boshqarish bo‘yicha debrifing o‘tkazildi
2026-02-09 16:15:00 / Yangiliklar
“Zarafshon daryosi havzasida iqlimga bardoshli integratsiyalashgan suv resurslarini boshqarish” loyihasi doirasida suv resurslarini iqlim o‘zgarishiga mos holda boshqarish bo‘yicha Shveysariya tajribasini o‘rganish yuzasidan debrifing bo‘lib o‘tdi.
Shveysariya elchixonasi tomonidan tashkillashtirilgan tadbirda Tog‘-kon sanoati va geologiya vazirligi, “O‘zbekgidrogeologiya” DM, “GIDROINGEO Instituti” DM hamda boshqa vazirlik va idoralar masʼullari ishtirok etishdi.
Debrifingda suv resurslarini baholash va modellashtirish, yer osti suv qatlamlarini sunʼiy to‘yintirish va monitoringini yuritish bo‘yicha Shveysariya tajribasini O‘zbekistonda, jumladan, Zarafshon daryosi havzasida qoʻllash imkoniyatlari va kelgusidagi masalalar muhokama qilindi.