“NKMK” AJ: “Muruntov” konida davriy oqim texnologiya majmuasi ishga tushdi
2026-01-29 17:30:00 / Yangiliklar
“Muruntov” konini o‘zlashtirishning V navbati 1-bosqich investitsion loyihasi doirasida konning janubiy yon tomonida davriy oqim texnologiya majmuasini barpo etish bo‘yicha qurilish-montaj ishlari yakunlanib, ushbu majmua to‘liq quvvatda ishga tushirildi.
Ayni vaqtda majmuaning 2 ta maydalash-yuklash punkti, uzunligi 1 500 metr bo‘lgan magistral konveyer va uzunligi 900 metr bo‘lgan ag‘darma konveyerda bir sutkada 25 ming kubometr tog‘ jinslari tashilmoqda.
Mahalliylashtirish dasturi doirasida majmua uchun kerakli asbob-uskunalar Navoiy mashinasozlik zavodi va Zarafshon taʼmirlash-mexanika zavodida tayyorlandi. Qurilish-montaj ishlari Zarafshon qurilish boshqarmasi tomonidan bajarildi.